នៅរាត្រីថ្ងៃទី ២២ ខែកញ្ញា ឆ្នាំ២០២៤
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាបានអញ្ជើញសំណេះសំណាលជាមួយប្រជាពលរដ្ឋនៅភូមិរកាលើ-រកាក្រោម សង្កាត់សំបួរមាស ក្រុងកំពង់ចាមខេត្តកំពង់ចាម ។
ឆ្លៀតក្នុងឱកាសនេះ ឯកឧត្តមបានមានប្រសាសន៍ថា ពិធីនេះគឺជាពិធីដាស់រំឮកដល់យើងទាំងអស់គ្នាកុំឲ្យភ្លេចថ្ងៃកំណើតព្យាការី មូហាំម៉ាត់ ដែលជាអ្នកនាំសាររបស់ព្រះអល់ឡោះ ជាអ្នកដឹកនាំដ៏ឈ្លាសវៃ ជាអ្នកបង្ហាត់បង្រៀនឲ្យអ្នកឥស្លាមមានក្តីសណ្តោសប្រណី ចេះមានក្តីអាណិតស្រឡាញ់ចំពោះមនុស្សជាតិទាំងមូល មិនថាអ្នកកាន់សាសនាណាក៏ដោយ ។ ការក្រើនរំឮកនេះ គឺដើម្បីឲ្យយើងទាំងអស់គ្នាអនុវត្តនូវទង្វើដ៏សែនល្អ ដែលបានបន្សល់ទុកដល់យើងអស់រយៈពេល ១៤៤៧ ឆ្នាំមកនេះ គឺឲ្យយើងបានស្គាល់ព្រះអល់ឡោះតែមួយគត់ ។
ដូច្នេះក្នុងនាមយើងជាអ្នកកាន់សាសនាឥស្លាមត្រូវអនុវត្តឲ្យបានខ្ជាប់ខ្ជួន និងដើរតាមគន្លងមាគា៍មួយនេះឲ្យបានល្អបំផុត។
